Nitong nakaraang Martes, napanood ko ang How to make
millions before grandma dies dahil hindi ko naabutan 'yung EENT na sana ay
magpapa-check up ako.
Kung napanood n’yo nung lockdown ang napakagandang BL series
na "I told sunset about you", palagay ko sang-ayon kayo na si Bilkin
ay isa sa mahusay na aktor ng kanyang henerasyon.
Kaya interested din akong mapanood ang pelikula.
Saka 'yung salin pa lang sa pamagat ay magiging curious ka
na.
Ang obserbasyon ko sa pelikula ay hindi ko maiwasang magkaroon
ng comparison at contrast
ang "How to make millions before
grandma dies" sa pelikulang "Family Matters" (2022).
Sa isang Asyanong setting, naroon pa din ang pagpapahalaga sa ating mga seniors
o matandang miyembro ng pamilya.
Sa dalawang pelikulang aking nabanggit, parehas pinakita na dahil na rin
sa makabagong panahon meron nang pagkakaiba ang pakikitungo ng mga
kabataan
sa kanilang mga lolo at lola.
Kitang-kita din na merong generation gap
kaya may hindi pagkakaintindihan
pagdating sa tradisyon o kaugalian ang
dalawang nagbabanggaang henerasyon.
Sa parehas na pelikula, hindi na ito halimbawa ng "poverty porn" na madalas tema
sa SouthEast Asian countries bagkus
nakakataas ang antas sa lipunan
o social class ng mga tauhan.
Sa "Family
Matters", kabilang sa mayamang pamilya ang mga tauhan sa pelikula.
Samantalang dito naman sa "How to make millions" ay middle class ang
mga tauhan.
Sa parehas na pelikula ay merong sumbatan kung sino ang mag-aalaga sa senior na miyembro ng pamilya dahil sa fast-paced at demanding na mundo lalo't may kanya-kanyang buhay na pagdating sa pamilya at trabaho kaya kulang na ang oras o wala na talagang panahon.
Ang pagkakaiba naman sa dalawang pelikula ay ang pakikitungo ng apo sa kanilang lolo o lola. Sa "Family Matters" ay mas naisaayos ang relasyon ng bawat miyembro ng pamilya unti-unti at napamahal ang mga apo dahil na rin sa may kusang loob na alamin ang istorya ng kanilang lolo at lola. Sa "How to make millions" may ulterior motives si M (Bilkin) sa pag-aalaga sa kanyang lola. Nais niyang ibenta ang bahay at lupa ng kanyang lola dahil sa kanyang personal na interes.
Ang "Family Matters" ay halimbawa ng family drama na sumasakto sa tema ng Pasko
dahil ito ay kabilang sa 2022 Metro Manila Film
Festival.
Layunin ng pelikula na magkaroon ng pagkakabuklod-buklod ang
pamilya.
Sa kabilang banda, ang "How to make millions" ay halimbawa ng family drama na hinahayaan tayong mapagtanto na hindi kailangang manguna ang pangsariling kapakanan para mahalin natin ang nakakatandang henerasyon.
