MARY POPPINS RETURNS

Akala ko remake ito ng Mary Poppins (1964) ni Julie Andrews. Hindi pala. Sequel pala ito. Mahilig ako sa musical pero hindi ko gusto ang Mary Poppins ni Julie Andrews. I prefer The Sound of Music than Mary Poppins. Kung napanood mo ang Nanny McPhee, magkahawig sila ng kwento ng Mary Poppins tanggalin mo lang ang musical.

Gusto ko ang Nanny McPhee dahil kay Emma Thompson. Kaya laging gulat ko na nag-enjoy ako sa Mary Poppins Returns kasi iyong mga kids na inalagaan ni Mary Poppins ay lumaki na at humaharap sa realidad ng buhay. Ang mga anak naman nila ngayon ang gustong alagaan ni Mary Poppins.

Siyempre hindi pa rin nawawala ang makulay na imahinasyon at mahika sa tulong ni Mary. Perfect na si Emily Blunt ang naging choice as Mary Poppins. Mahusay niyang nagampanan ang role. Si Rob Marshall ang direktor nitong pelikula kaya naman marami akong naiisip habang pinapanood ko ang pelikula. Naalala ko na ginawa niyang musicals noon tulad ng Chicago (2002) at Into The Woods (2014) dahil may mga eksena na biglang maiisip mo na ay parang Chicago, Into The Woods... Tapos naman ang setting/location, parang Sweeney Todd at My Fair Lady.

Nakakatuwa ang cameo ni Meryl Streep na ruma-Russian accent habang kumakanta. Sumabit-sabit, nag-breakdance at sumayaw si lola (pero siyempre double lang iyong sumabit at nag-breakdance). Queen-of-all-accent meets Mamma Mia! pala. Mas gusto ko sina Emily Blunt at Meryl Streep dito sa Mary Poppins Returns kesa Into the Woods.

Magaling din sina Ben Whishaw at Emily Mortimer dito. Gwapo ni Ben Whishaw dito. Patunay na kahit gay actor siya ay kaya niyang gumanap ng straight roles. Okay naman din si Lin Manuel-Miranda dahil napantayan niya si Dick Van Dyke noon. Over-all basta natuwa, nagandahan, nag-enjoy at na-cutean ako sa Mary Poppins Returns.

ARIA

Napakahusay at napakaganda ng pelikulang "ARIA" ni Carlo E. Catu.

Isa ito sa mga period drama na napakagaling sa teknikal na aspeto mula sa mga shots at framing pati kulay.

Maganda rin ang pagkakalikha sa mga babaeng karakter tulad nila Pining (Liya Sarmiento), Delia (Pearl Lagman), Kumander Liwayway (Cindy Lapid) at Kapitana (Samanta Anne Bicu). Mahusay ding nagampanan ang mga karakter. 

Tulad sa naunang pelikula ni Carlo Catu na "Kung Paano Hinihintay Ang Dapithapon" at "Mga Anak ng Kamote", feminismo ang tema ng pelikula.

Mahusay na ipinakita sa pelikula ang pamumuno ng kababaihan sa gitna ng digmaan.

Sana mas hinabaan ang bahagi kung saan nahihirapang kumuha ng pensyon si Pining.

Paborito ko ang "Kung Paano Hinihintay ang Dapithapon". Nahuhusayan naman ako kay Katrina Halili sa "Mga Anak ng Kamote". Magkahalo ang emosyon ko habang pinapanood ang "Aria" dahil hindi lamang bahagi ng kasaysayan ang inilahad ng pelikula pati na rin ang kontribusyon at ang pagiging malakas ng mga babae sa panahon ng karimlan.

Patunay ito na si Carlo E. Catu ay isa sa pinakamahusay na direktor ng ating henerasyon.

BORN BEAUTIFUL

Nakakamiss pa din si Christian Bables bilang Barbs. Best choice na replacement si Martin Del Rosario.

Ilang beses na rin gumanap ng gay at transgender roles sa TV si Martin. Notable na naging Kevin Balot siya sa MMK. Dito sa BORN BEAUTIFUL, magaling ang pagkakaganap niya bilang Barbs. Scene stealer si Chai Fonacier as prostitute na nabuntis ni Barbs during the time na nag-undergo ng gay conversion/reparative therapy ang bida.

Ang interesting part sa pelikula ay ang gay conversion/reparative therapy kasi meron talaga niyan dito sa Pinas. Disturbing ang part na kahit na sa therapy na siya ay may nagaganap pa ring pangmomolestiya at sexual harassment. May mga narinig na akong kwento tungkol sa ganyan. Kaya matapang ang pelikula na talakayin ito.

Isa pa sa naging interesting sa akin ay ang short but important role ni Elora Españo. She reminds me of Maureen Mauricio in Sibak: Midnight Dancers. Nakakaloka iyong eksena na "hindi naman ako madamot". Nakakatuwa din ang cameo ni Paolo Ballesteros lalo na ang Mama Mary scene. Kahit ang mala-Ma Rosa reference sa eksena habang nagkwento si Michael Angelo (Akihiro Blanco).

Nalulungkot lang ako dahil nahulog si Barbs sa dalawang lalaking may asawa. Multiple messages o maraming gustong sabihin ang pelikulang ito. Ang sabi ay condensed version ito ng first five episodes of Born Beautiful TV series. Ang ending parang sa European cinema mo lang mapapanood. Over-all, okay naman ang pelikula.